Catialtu
​Venus Par
Registered nurse

---

Covid-19 DAMLO TIKAH THUTDIR NING

COVID-19 Mizaw lakah 80% Sizung um an HAU LO
Mizaw tamdeuh Inn ah chiah ansi
Inn i THUTDIR ning le theihherh dangdang

• Ihnak khan, Zunput, Dineinak Kheng, Keu le Hrai dang te hman ding.
• Chungkhar he thutdir tti lo/hrial ding.
• Chungkhar he Naih tein i Chawnhbiak lo ding.
• Chawnh a herh ahcun Hmaikhuh tha tein i khuh ding.
• Kum 2 tang ngakchia hmaikhuh khuh lo ding.
• Mah lawng um caan ahcun Hmaikhuh a hau lo.
• Midang he pe 6 hlat lengmang in um ding.
• Kut thiang tein (second 20 chung) i ttawl lengmang ding.
• Tongh lengmang mi Cell phone, Innkaa onnak, Cabuai, le Thutdan rungrul thahnak in thianh lengmang ding.
• Mizaw thilpuan dang tein Tisa in Suk ding.
• Khuh le Hatthio tikah Tissue Hman i Hlonh colh ding.
• Kut thiang tein Chaphiat (Soap) in ttawl than ding.
• Chaphiat (Soap) a um lo lawngah Hand Sanitizer hmang ding.
• Hmur, Kaa, le Hnar i tongh lo ding.
• Zawtnak kong i Sizung le Sikhan (Clinic) kal caan dahlo Leng chuah lo ding; Inn ah um peng ding.
• Mitkuh Vuai, i Dinh, le Ti tampi in Din khawh i zuam ding.
• Taklinh, Taksafah, Lufah tikah Tylenol suimilam 4 silole 6 dan in din khawh a si. (Si cu Sibawi fial ning tein din ding)
• Zapi Hrawmmi Bus le Taxi, Tlanglawng hman lo ding; Hrial ding.
• Thawphih, Tangfah, Lungfimlo, Mitau kho lo tiang in mitkuh peng le Hmai le Hmur  a rong (Apia-Yaung/Blue ah) aa thlen ahcun Zawtnak a fak deuh cang tinak a si caah Sibawi chawnh i Sizung ah kal ding.
• Sizung le Sikhan (Clinic) kal lai fatin chawnh i thawngthanh hmasa lengmang ding: Mah kal in kal cawlh lo ding.

 
KA DAM CANG LENG KA CHUAK CANG LAI: Zeitin?
Caan zeimawzat naa congh hnuah Dam in Lengchuak kho dingah naa ruah cang asi ahcun a tanglei hi ZULH ding asi lai.

• Suimilam 24 dan in voihnih tal Zawtnak Check (Test) Hmasa ding.
• Voi 2 tiang Zawtnak Rungrul a um ti lo hnu lawngah chuah ding.
• Taklinh, Khuh, Thawphih na ngeih tilonak a tlawmbik ni 3 (3 Days) tal asi a hau.
• Test nak a um lo ahcun na Zawtnak kha a tlawmbik ni 10 leng a si hnu; Sidin lo in na tak a daihnak,  na khuh ti lonak, le na thawphih a daihnak a tlawmbik ni 3 cung asi a herh.

 
COVID-19 Rungrul Ngeih buin na ZAWT LO ahcun

• Inn ah a cunglei bantukin mah tein i ERH ding (Self-quarantined)
• Inn ah a tlawm bik Ni 10-14 tal um ding.
• Lengchuak loin na umnak Ni 10-14 a tlin hnuah Zawtnak Muisam (Sign and Symptom), Taklinh, Khuh, Thawphih tbk… zeihmanh Ngei lo in na DAM ko ahcun leng chuah khawh a si.
• Cunglei i Lengchuah lai i tuah ding timi tu Zulh ding asi lai.

 
LENGCHUAH TIKAH

• Hmaikhuh (Mask) i khuh hrimhrim ding.
• Midang he pe 6 Hlat in um peng ding.
• Cozah le Sibawi nih an chuah mi Zulhphung ning tein thutdir peng ding.

Charhchan: CDC nih Guidelines an chuahmi chung in lakmi asi

Covid 19 Kong ah Theihherh Tlawmpal

COVID-19 zawtnak ka ngei rua tiah naa ruah silole na chungkhar pakhatkhat nih an ngeih rua tiah na ruah ahcun, atanglei langhtermi bantukin a herh mi tuah khawh i zuam. 

1. Taklinh Tahnak (Thermometer) I chiah hrimhrim ding. Ka zaw rua tiah na ruah ahcun nazi 4 danah voikhat na taklinhnak tah lengmang ding. 100.0 F asi maw?
2. Na khuh maw? Na khuh tikah na khak a ciar maw a ro dah? (Covid cu Khuh tikah khak chuak lo in tamdeuhcu khuh ro lawng in khuh a tam)
3. Na thaw a pit maw, na thawchuah a har maw?
4. Na lung a mit in lung fim loin na um maw?
5. Na tha dih in na ba maw?
6. Na paw a fak in na chung an tlik maw?
7. Na luak a chuak maw?
8. Rawl thawtnam na thei maw? Covid cu rawlthawtnam theihnak atlau.
9. Zen zawtnak phun a simi kuthih kehih le lung fim lo in na um maw?
10. Covid nihhin mino deuh cungah cun Zennak (Stroke) a chuahter tiah an zumh.
11. Kutke Hit in na um sual I covid ruangah ka zeng rua tiah na lung naa hrinh ahcun FAST hmang in hngalh khawh asi.​

• F - (Face) A Hmai amah ning kel asi lai lo I a cei lai.
• A - (Arm) A Ban thlir ter law thlir khawh lo in a tla colh lai.
• S - (Speech) Bia a chim mi kha nolh ter law a nolh tikah a tluang lai lo, aa harh lai. Holh kho lo deng in a um lai.
• T - (Time) A cunglei sining na hmuh ahcun 911 auh colh caan asi. (Sizung lei kal I bawmh hal can si.)

A cung lei COVID-19 nih a chuahtermi sining lakahhin Taklinh le Thawphih hi biapi bikah chiah asi. Covid in a dam lo mi 99% hi an tak a lin hrimhrim ti a si. Acunglei langhter mi Zawtnak hmelchunh lakah Taklinh, thawhphih le a dangdang pahnihthum tal na ngei lo ahcun Zawtnak Chek tunih an in Chek duh lai lo. Cucaah ka dam lo tiah naa ruah I Chek na duh sual ahcun na kal hlan tein a cunglei pawl hi na ngeih le ngeih lo na chekhlai ta hmasa lai.
Zawtnak kongah pumpak in theihduhmi nan ngeih sual i bawmh na herh ahcun keimah zong chawnh khawh ka si. Bawmh khawhmi ka ngeih ahcun kan bamwh ko hna lai. Cun nan umnak Public Health Department cio ah phone chawnh I bawmhhal le hlathlai khawh zong an si.